Azkoitia

Anaitasuna M.B.-ren Pirinioetako bigarren irteeran izena emateko epea zabalik

Oinezko bigarren irteera antolatu du Anaitasuna Mendi Bazkunak Pirinioetara. Otsailaren 22ko eta 23ko asteburuan izango da eta Bisauri (10,5 kilometro +1.250 metro) eta Napazal (10,5 km +800 m.) mendiak igotzeko aukera izango dute txangoan parte hartzen dutenek.

Irteerak sortu duen interesa ikusita, elkartetik jakinarazi dute plaza kopurua handitu egin dutela. Izena emateko epea otsailaren 14ra bitartean egongo da zabalik. Horretarako ETK informatika zerbitzuetara jo beharko dute interesdunek. Bazkideek 60 euro ordaindu beharko dute eta bazkide ez direnek, aldiz, 70 euro (kotxeko bidaia, afaria, lo egitea eta gosaria barne).

Irteeran parte hartu ahal izateko beharrezkoa da kranpoiak, pioleta eta kaskoa eramatea. Materiala alokatu daiteke (10 euro), federatua egotea beharrezkoa da.