Azkoitia

'Gure txokuk ezautzen' planaren bigarren irteera, apirilaren 5ean

'Gure txokuk ezautzen' egitasmoko lehen irteera egin zuten asteburuan Anaitasuna mendi bazkunako kideek. Hogei lagun inguru elkartu ziren bertan eta Aizarna inguruak ezagutu zituzten. 14 kilometroko eta 600 metroko desnibel positiboko ibilaldia egin zuten eta Zestoa, Ertxina koba, Santa Engraziako ermita, Aizarna, Akua eta Zestoa lotu zituzten mendizaleek «giro bikainean», bertatik adierazi duten bezala.

Gure Txokoak Ezagutzen egitasmoko bigarren irteera apirilaren 5ean egingo dute. Bigarren hitzordu horretan Karakate eta Irukurutzeta mendietara egingo dute ibilaldia. Anaitasuna mendi bazkunak datozen egunetan emango dituela irteera horri lotutako xehetasunak adierazi du.