Azkoitia
Ikasleak kalera atera dira herrian mugikortasun behaketa egitekoAzkoitia
Ikasleak kalera atera dira herrian mugikortasun behaketa egitekoS. U.
Azkoitia.
Martes, 18 de marzo 2025, 19:57
Aurrera doa ikasturte honetako Eskolako Agenda 2030 programa eta une honetan, herriko ikastetxe guztietako neska-mutilak kaleko behaketak burutzeko prestatzen ari dira.
Publicidad
Gaztetxoenak, horma-irudiak egingo dituzte herri jasangarri bat irudikatuz. Bestetik, eskolarako bidea nola egiten duten ere errepasatuko dute. «Posible al dugu Azkoitian eskolako joan-etorriak oinez egitea?» galderari erantzuna bilatzen saiatuko dira. Taldetxo batek jada isunak jarri dizkie gaizki aparkatuta ikusi dituzten ibilgailuei. Eta udaltzainekin elkarrizketak izan dituzte herriko egoera hobeto ulertzeko. Beste talde batzuk herritarrekin hartu-emana izango dute azkoitiarrek duten mugitzeko ohiturak ezagutzeko.
«Gure etxeetan ditugun auto kopuruaz ere galdetuko dute, izan ere, hainbat etxebizitzetan bi ibilgailu baino gehiago ditugulako. Beharrezkoak al dira guztiak? Bigarren hezkuntzan berriz, bidegorria aztertu eta horren erabiltzaileen iritziak jasotzeko aprobetxatuko dute. Erosketak egiteko eta lanera joateko ditugun ohiturez galdezka ere arituko dira. Ba al dugu herrian autoak partekatzeko ohiturarik? Merkataritza-gune handietara joaten al gara erosketak egiteko edo bertakoa aprobetxatu eta balioan jartzen dugu? Batxilergoko ikasleen kasuan, kalera irten eta behaketa lan sakonak egingo dituzte. Hauek, herriko espazio publikoaren antolaketaren ikuspuntua aztertuko dute», azaldu dute egitasmoaren antolatzaileek.
Ikasleen lanketa Udala burutzen ari den Mugikortasun Planaren baitan kokatzen da. Ikastetxeek ekimenera batzea erabaki zuten aurtengo ikasturterako programa lantzerakoan.
Suscríbete los 2 primeros meses gratis
¿Ya eres suscriptor? Inicia sesión
Te puede interesar
Publicidad
Utilizamos “cookies” propias y de terceros para elaborar información estadística y mostrarle publicidad, contenidos y servicios personalizados a través del análisis de su navegación.
Si continúa navegando acepta su uso. ¿Permites el uso de tus datos privados de navegación en este sitio web?. Más información y cambio de configuración.