Azkoitia

Urtarrileko ohiko udalbatzarra egingo da gaur, asteazkena, 18:00etan hasita

Azkoitiko Udaleko lau taldetako ordezkariek urtarrileko ohiko udalbatzarra izango dute gaur, asteazkena, 18:00etan hasita.

Gai zerrenda aurreko bilkuran onartutako akten onespenarekin hasiko da. Ondoren, Txalonerrekako eremu batean egin duten azterlana onartu edo ez erabaki beharko dute udal taldeek, 10 HE Txalonerreka Ekialdea 10 Sektoreko 10.3 subpartzelaren Xehetasun Azterlanaren behin betiko onespena, hain zuzen ere.

Kale garbiketa zerbitzuaren kontratazioaren esleipena bozkatuko dute udal taldeek jarraian eta amaitzeko, aurrekontuaren inguruko informazioa emango du alkateak, galdera erreguei tartea egin baino lehen.