Azpeitia

Agur beroa Kepa Susperregi erretoreari

Bada zerbait. Agurra egiten hasi eta ehunka lagun horretara prestatu. Argi laga dute azpeitiarrek Kepa Susperregiri, bertako erretoreari, dioten miresmena. Ia laurehun lagun, 360 hain justu ere, elkartu ziren pasa den zapatuan Kiruri jatetxean egindako agurrean. Aurretik, meza izan zuten parrokian, oroigarriak jaso zituen Susperregik eta ohorezko aurreskua ere eskaini zioten, besteak beste.

Igandean, elizaren ekitaldi ofiziala izan zen eta Jose Ignacio Eguzkitzak hartu du jada Kepa Susperregi erretorearen lekukoa.

Susperregi errenteriarra da jaiotzez. Duela 40 urte apaiztu eta Azpeitira etorri zen –Patxi Azpitarterekin batera–. 1993tik izan da Azpeitiko erretore.