Azpeitia

Artetxe txapeldun eta Egiguren azpitxapeldun, Zumaiako txapelketan

Jokin Artetxe eta Iker Egiguren Ilunpeko pilotariek Zumaiako 52. Dinastia Etxabe txapelketako finalak jokatu zituzten ostegun gauean, Zumaiako Aitzuri pilotalekuan.

Jokin Artetxe Oier Ibaluzearekin (Lapke) bikotea osatu zuen gazte-jubenil mailan, eta aurtengo txapela jantzi zuten Aritz Olaizola (Abantzu) eta Mikel Leonet (Oiarpe) bikoteari 22-17 irabazita.

Ez zuen zorte bera izan Iker Egigurenek. Ilunpe elkarteko pilotariak Julen Sotilekin (Larraun) osatu zuen bikotea 23 urtez azpiko mailan. Final estua jokatu zuten, baina txapela, kasu honetan, Eñaut Lizeagak (Mundarro) eta Adrian Azpirozek (Irurtzun) irabazi zuten (22-18).

Astelehenean, irailaren 2an, irekiko da ikasturte berrirako izen-ematea Ilunpen. Izena emateko epea irailaren 30era arte egongo da zabalik. Bestalde, baja emateko 689.665042 telefono zenbakira idatzi edo deitu be-harko da; bestela, iaztik izena emanda zeudenek ikasturte honetan jarraituko dutela ulertuko da.

Zalantzaren bat izanez gero, lehen aipatutako telefono-zenbakira deitu edo idatz daiteke, edo ilunpeelkartea@gmail.com helbidera idatzi.