Azpeitia

Asteazkenean odola emateko hitzordua internet bidez eska daiteke asteartera arte

Asteazkenean, azaroaren 27an, egingo dute azaroko odol ateraldia Odol Emaileen Elkarteko Azpeitiko ordezkariek. Ohi bezala, Elizkaleko Bizi Berri eraikineko beheko solairuko lokalean izango dira ateraldiak, hileko azken asteazkenero bezala, 16:30etik 20:30era bitarteko ordutegian. Odola ematera joan nahi dutenek aurrez hartu behar dute txanda eta horretarako bi bide dituzte. Astearte goizera arte, gotatanta.eus webgunean eman dezakete izena, batetik; eta asteazkenean bertan, 08:30etik 13:30era, 943-00 78 84 telefono zenbakira deituta, bestetik.