Borrar
Alkatea eta udal arduradunak; ikastetxeetako ordezkariak eta Eskola Kiroleko eta elkarteko koordinatzaileak. E.A.
Azpeskirola elkartea sortu da Eskola Kirolaren eskaintza bateratua egiteko

Azpeitia

Azpeskirola elkartea sortu da Eskola Kirolaren eskaintza bateratua egiteko

LHko eskaintza duten herriko hiru ikastetxeek sortu dute elkartea eta udalarekin hitzarmena sortu dute

Eli Aizpuru

Azpeitia

Jueves, 26 de septiembre 2024, 20:20

Datorren astean hasiko da aurtengo Eskola Kirola. 550 eta 600 haur inguruk hartuko du parte eta berrikuntzekin dator ikasturte honetako programa. Izan ere, Eskola Kirolaren eskaintza bateratu da. Horretarako elkarte bat sortu dute LHko ikasleak dituzten herriko hiru ikastetxeek eta udalarekin lankidetza hitzarmena sinatu dute. Azpeskirola elkartea aurkezteko eta ikasturteko erronken berri emateko elkartu ziren asteazken arratsaldean Nagore Alkorta alkatea eta udal ordezkariak; Azpeitiko Ikastola Ikasberri, Karmelo Etxegarai Azpeitiko Ikastola eta Iraurgi Ikastetxeko arduradunak; Eskola Kiroleko Koordinatzaile Mikel Segurola eta Azpeskirola elkarteko arduradun Alaitz Badiola.

Erronkak

Azken honek azaldu zituen elkarteak aurrera begira dituen erronkak: Antolakuntza «egonkor eta partehartzailea» sustatzea da estreinakoa. Eskola Kirola ikusarazi eta gizarteratzeko beharra ere ikusi dute. Beraz, eskaintzen dituen aukerak plazaratzeko web gunea sortu dute (azpeitikoeskolakirola.eus).

Zerbitzuaren kalitatea hobetzea izango da hurrengo erronka. Azkenik, ikasle guztiei Eskola Kirolerako sarrera «bermatzea» da beste baldintzetako bat. «Arrazoi ekonomikoengatik inor kanpoan ez geratzea ziurtatu behar dugu». Horregatik –Udalarekin hitzarmena medio– gizarte zerbitzuetatik bideratuko dituzte laguntzak.

Eskola Kirolaren proiektua ikastetxeena baino zabalagoa izatea nahi dute, «herri osoarena», herriko eragile desberdinekin gauzatuko dena. Bide horretan herriko kirol taldeekin eta gainerako eragileekin harremanak estutzeko borondatea eta elkarlanerako intentzioa azpimarratu dituzte.

«Orain arte bezala, aurrerantzean ere kirol aniztasunean oinarritutko da Azpeitiko Eskola Kirola, haurrei kirol ezberdinak ezagutzeko eta probatzeko aukera emateko, eta lehia bigarren maila batean utziz, eskola kirola ekintza ludikoa izatea sustatuko da», esan zuen Alkortak.

Publicidad

Publicidad

Publicidad

Publicidad

Esta funcionalidad es exclusiva para suscriptores.

Reporta un error en esta noticia

* Campos obligatorios

diariovasco Azpeskirola elkartea sortu da Eskola Kirolaren eskaintza bateratua egiteko