Azpeitia

Berdinketa eta garaipena etxeko taldeentzat Ligako seigarren jardunaldian

Xaputarrak Azpeitiko xake elkarteko kideek etxean jokatu zuten Gipuzkoako Taldezkako Xake Ligari zegokion seigarren jardunaldia. Lehen mailakoek berdinketa lortu zuten Legazpiko taldearen kontra, eta hirugarren mailakoek, berriz, irabazi egin zuten Debako taldearen aurka.

Lehen mailako Altuna y Uria A taldeak alegia, Legazpiko Santikutz A taldearen aurka jokatu zuen, eta 2-2 emaitzarekin itxi zuten arratsaldea. Miguel Angel Gomez Montecelok irabazi egin zuen; Jose Andres Perezek eta Eneko Alberdik berdindu egin zuten; eta Patxi Isasmendik galdu egin zuen. Honela, 8 punturekin, sailkapeneko 5. lekuan da taldea. Larunbatean dute hitzordua Aretxabaletan eta Arrasate-Arlutz taldearen kontra ariko dira azpeitiarrak. 3. mailako Altuna y Uria B taldeak, berriz, 2,5-1,5 emaitzarekin bukatu zuen jardunaldia Debako San Roke taldearen kontra. Alejandro Monasteriok eta Alex Francok irabazi egin zuten; Iñaki Urangak berdindueta Caleb Solorzanok, galdu. 13,5 punturekin, sailkapeneko 6. lekuan da taldea, 6.rekin berdinduta. Larunbatean Bergaran lehiatuko dira Zaleak B taldearen kontra.