Azpeitia

Berriro ekin diete protestei jubilatuek

Jubilatu eta pentsiodunek, beste hainbat herritako plataformekin batera, berriro ekin diote protestei. 'Pentsio, zaintza eta osasungintza publiko eta duinak. 1.080 euroko gutxieneko pentsioarekin' aldarrikatzeko elkarretaratzeekin jarraituko dute ikasturte honetan ere. Astelehenero izango dira protestak orain arte bezala. Jada zazpi urte betetzear dira jubilatuen eta pentsiodunen elkarteek aldarrikapenak hasi zituztenetik eta ez dute etsi. «Gogotsu eta indartsu» hasi dute opor osteko bilgunea eta gonbitea luzatzen diete gainerako herritarrei hauetan parte hartzeko. Atzokoan, bestalde, erretiratzeko adina atzeratzearen ondorioez aritu ziren. Izan ere, erabaki honek «nabarmen handitzen du 60 eta 69 urte bitartean hiltzeko arriskua», esan zuten.