Azpeitia

Bigarren LGTBI+ topaketa egingo da gaur 18:30ean Emakumeen Txokoan

Azpeitiko lehen LGTBI+ topaketa irekia egin zuten urriaren 3an. «Elkar ezagutzeko, elkarren berri izateko, saretzen joateko» helburuarekin, hogei lagun inguru bildu ziren orduan. Bigarren topaketa egingo dute orain. Gaur bertan izango da,Emakumeen Txokoan. arratsaldeko 18:30ean izango da hitzordua.

Topaketa irekia izango da; hau da, nahi duen oro dago gonbidatuta, eta lehen saiora joan ez zirenak ere animatu nahi dituzte parte hartzera. Izena eman beharrik ere ez dago.

Udalak Eihera kooperatibaren bidez osatu du LGTBI+ errealitateen diagnosia, eta kooperatiba horretako Kattalin Minerrek eta Iñi Etxezarretak dinamizatuko dute gaurko saioa.