Azpeitia
Bisita gidatu batekin amaituko da igande honetan Nora Alberdi azpeitiarraren erakusketa

'Etxean bezala. Com a casa' lana ikusgai dago Foruen Ibildeko udal aretoan urriak 20ra arte eta argazkilaria bertan izango da, 12:00etan

E. A.

azpeitia.

Jueves, 17 de octubre 2024, 19:58

Azken hamabost egun hauetan zabalik da 'Etxean bezala. Com a casa' argazki erakusketa Foruen ibilbideko udal aretoan. Nora Alberdi azpeitiarraren da eta igandera bitartean izango da ikusgai.

Kulturaz kooperatibak urte hasieran eman zion hasiera DOI erakusketa programari. eta bosgarren erakusketa da Nora Alberdi artistarena.

'Etxean bezala. Com a casa' lana gertuagotik ezagutu nahi dutenek aukera izango dute igandean, urriaren 20an, 12:00etan, sorkuntzaren ingurukoak argazkilariaren ahotik jasotzeko. Bisita doan den arren, parte hartzeko izena ematea eskatzen da . Kulturaz.eus atariaren bitartez egin daiteke.

Alberdik eguneroko bizitza xumeari darion poetika harrapatzen du argazkietan. Ikuslea etxean bezala sentitzen da, munduari begiratzeko modu horrek barruan hartzen duelako.

Kulturaz kultur kooperatibak sormena babestu eta sortzaileen lana ikustera emateko ahaleginean abiatu zuen DOI izeneko erakusketa programa eta egitasmora batu den bosgarren artista da azpeitiarra.

Ordutegia

Erakusketa ikusi ez dutenek, honako ordutegian egin dezakete, igandera bitartean: Ostiralean 18:00etik 20:00etara eta larunbatetan eta igandean, aldiz, 13:00etatik 14:00etara kontuan hartuta 12:00etan protagonista bera bertan izango dela bere lanaren berri emateko.