Azpeitia

Boronda-tea proiektua aurkeztuko dute gaur Azoka Plazan, 18:00etan

Iraurgi Ikastetxeak eta Gautenak (autismoaren espektroko nahastea duten pertsonen senideen elkartea) abian jarriko duten Boronda-tea proiektua aurkeztuko dute gaur, ostegunean, 18:00etan, Azoka Plazan.

Iraurgiko arduradunek azaldu dutenez, Gautenako erabiltzaileei ikastetxeko ateak ireki dizkiete, aukera berdintasuna sustatzeko helburuarekin. «Gizaki orok amesten du aukera berdinak izatearekin, bere iritzia errespetuz entzungo den plaza batekin, behar duenean lagunduko dion komunitate batekin, eta beldur, amets, ilusio eta iritziak lasaitasunez partekatzearekin». Hain justu, helburu horiek bideratzeko sortu dute Boronda-tea proiektua, eta xehetasun guztiak gaurko aurkezpenean azalduko dituzte. Ekitaldia irekia da.