Azpeitia

Buztinarekin eskulturak egiteko hastapeneko ikastaroa Arte eta Diseinu ikastegian

Arte eta Diseinu ikastegiak uztinarekin eskulturak egiteko lehenengo hastapeneko ikastaroa eskainiko du aurten.

Ikasleek modelatua 3Dn ikasi ahal izango dute, buztina, formak, proportzioak eta bustoak landuko dituzte; gainera, irudimena landuko dute. Klaseak ostegunetan izango dira, 18:30etik 20:00etara bitartean, eta Mikel Sanjuanek emango ditu.

2024-2025 ikasturtea hilaren 9an hasiko da ADIn. Buztinarekin eskulturak egiteko hastapeneko ikastaroaz gain, ikasturte honetan 4 eta 12 urte bitarteko umeentzako marrazketa eta eskulanak, pintura tailerra eta egur tailla ikastaroak eskainiko dira.

Umeen marrazketa eta eskulan eskolak astelehenetik ostegunera eskainiko dituzte, 17:15etik 18:30era; pintura tailerra ere astelehenetik ostegunera emango dute, bi txandatan, 15:30etik 17:00etara edo 18:30etik 20:00etara; eta egur tailla, aldiz, 18:30etik 20:00etara bitartean.

Informazioa gehiago eta izen-emateak: Arte eta Diseinu ikastegian (Jose Artetxe, 3), 943 812808 edo 688.751887 edo artetadiseinu@gmail.com helbide elektronikora idatzi.