Azpeitia

Ez dute ondu duela 32 urte Apalantzak egindako Xoxoteko marka

Interesa piztu zuen zapatuan Euskadi Irratiko Hiru Erregeen Mahaia irratsaioak antolatutako kirol arratsaldeak.

1992an Joxe Apalantza errezildarrak egindako marka ontzeko ahalegina zen erronketako bat. Ez zuten lortu haren 45:09ko denbora jaisterik. Azpeitiarrek (Naroa Uriak, Eneritz Aramendik, Ibai Angulok eta Peio Ziarsolok) 51 minutuan egin zuten ibilbidea eta azkoitiarrek (Mari Carmen Seijasek, Aner Gesalagak, Iñaki Azkoitiak eta Ainhoa Sanzek), aldiz, 54an.

Horrez gainera, harrijasotzaileak eta pilotariak ere aritu ziren erronka desberdinetan eta omenaldi edo errekonozimenduentzat tartea ere izan zen. Nuarbeko sokatiralariak izan ziren bertan, Izan ere, «ez baitago hain metro karratu gutxitan hainbeste urrezko domina dituen auzorik», esan zuten irratsaioan. «Saltsa polita» ipini zuen saioak eta jende ugari gerturatu zen plazara.