Azpeitia

Egaña gozotegiak irabazi du Azpeitiko Gabonetako XIII. Erakusleiho Lehiaketa

Asteburuan eman dituzte Bertan merkatari elkarteak banatutako XIII. Erakusleiho Lehiaketako sariak, non 26 saltokik hartu dute parte aurten. San Agustinen egindako ekitaldian jakinarazi zituzten saridunak larunbatean. Aditu batek epaitu ditu lanak, eta lehen saria Egaña gozotegiak irabazi du. 600 euro jaso zituen bertako arduradunak Leire Sarasua zinegotziaren eskutik.Bigarren saria, 400 eurokoa, Kontxi arraindegiak jaso zuen, eta hirugarrena, 200 eurokoa, Keizpek.

Bestalde, 25 urte bete dituzten Azpeitiko bi saltokiri aitortza egin zioten merkatariek. Prest arropa zaintza eta Azkoiti erloju denda errekonozituak izan ziren.

Merkatariek Ginkanako irabaz-leak ere saritu zituzten, egun hauetan herriko dendetan erosketak egiteagatik. 500 euroko saria Isabel Etxeberriak jaso zuen, eta 200 euroko beste bost sariak, berriz, Mila Otaegi, Irati Etxeberria, Aloña Larrañaga, Ana Mari Zubimendi eta Ane Azpillagarentzat izan ziren.