Azpeitia

Elizbarrutiko ordezkariek hitzaldiak eskainiko dituzte datozen egunotan

Azpeitiko eta Azkoitiko parrokiek -Itxaropena ardatz hartuta- hiru hitzaldi antolatu dituzte egunotarako, Eliza Jubileo urtean murgilduta dagoen honetan. Lehen hitzaldia jada igaro da, eta gaurtik, asteartetik, asteazkenera bitartean egingo dira beste bi saioak bi herrietan: 17:00etan Azpeitiko Soreasuko Sebastian Donearen parrokian eta 19:00etan Azkoitiko Andre Mariaren Jasokundearen parrokian.

Donostiako Elizbarrutiko ordezkariek parte hartuko dute hitzaldietan. Lehen saioa Fernando Prado gotzainak eskaini zuen atzo, «Berarengan gure itxaropena» izenburupean. Bertan, kristauentzat Jesus itxaropenaren ikur dela azpimarratu zuen, eta fedeak gizartean duen eraginaz ere hausnartu zuen.

Bigarren hitzaldia gaur, asteartean, izango da, eta Mikel Aranguren Donostiako Elizbarrutiko bikario nagusi azpeitiarrak hartuko du hitza. 'Itxaropenak ez du huts egiten' izeneko saioan, itxaropena kristauen dohain handienetako bat dela nabarmenduko du, eta eguneroko bizitzan duen garran-tzia aztertuko du.

Azken hitzaldia asteazkenean egingo da, Luzia Alberro Donostiako Elizbarrutiko idazkari nagusiaren eskutik . 'Itxaropen eraginkorra. Iturriak' izenpean, itxaropenak izan dezakeen eragina eta hori sendotzeko beharrezko iturriak azalduko ditu.

Hitzaldiak irekita daude interesa duen edozein herritarrentzat, eta bi parrokietako arduradunek dei egin dute parte hartzera, hausnarketa eta elkarrizketa sustatzeko.