Etxe Alai auzoa eraberritzeko lanak hasiko ditu Azpeitiko Udalak

Azpeitiko Udalak abiatu ditu Etxe Alai auzoa eraberritzeko lehen faseko lanak. Eremuaren urbanizazio berria egingo da, honela, espaloia zabaltzeko eta zenbait azpiegitura eguneratzeko asmoa dute.

Etxe Alai 4 eta 9 zenbakien atzealdeko eremuan egingo dituzte lanak, parke aldera begira dagoen zatian. Hori dela eta, tarteka errepideko erreietako bat itxiko dute, eta egun horietan trafikoa goranzko noranzkoan karakoletik bideratuko dute.

Udalaren aurreikuspenen arabera, lanen lehen faseak hiru hilabete inguru iraungo du. Obraren ardura Arte Eraikuntzak enpresak izango du.