Azpeitia

Euskal Herriko Trail Kopan, nagusitasuna

Basajaun trail mendi lasterketa jokatu zen Lokizen, Nafarroa, pasa den asteburuan. Euskal Herriko Mendi Federazioak antolatutako Euskal Herriko Trail Koparen azkeneko proba izan zen eta han lortutako emaitzak kontuan hartuta erabaki ziren koparen irabazleak. Ibai Angulo urrestildarrak juniorretan bigarren egin zuen eta ondorioz, Euskal Herriko Kopan txapelduna da. Aldiz, Peio Ziarsolo errezildarra eta Lagun Onak Mendi Bazkunako kideak, berriz, 7. egin zuen gazteen mailan eta kopan bigarren postuan sailkatu zen.