Azpeitia

Garaiko errezeta osasungarriak prestatuko dituzte igandean Ekoetxean

Elikadurak gure ongizatean berebiziko garrantzia duen mundu honetan, tokiko eta sasoiko produktuekin janaria prestatzearen plazera ezagutzeko espazio bat proposatu du Ekoetxeak. Hala, urte sasoi honetan ohikoak diren barazki eta zerealak erabiliko dituzte eta naturaren onenarekin janaria prestatzearen plazera eta zein erraza eta goxoa den janari osasungarriak eta zaporez beteak prestatzea erakustiko dute.

Igande honetan izango da. Ekoetxeak garaiko errezeta osasungarrien prestaketa eta dastaketa egingo du. 6 urtetik gorako seme-alabak dituzten familiei zuzendutako ekintza da eta 10:30ean izango da. Parte hartzeko aurrez izena eman beharko da, 2 euro ordainduta, ekoetxea.eus atarian.