Azpeitia

Gaurtik ostegunera bitartean izango dira entseguak

Jai gaueko helduen nahiz asteleheneko haurren danborradako protagonistek hitzordu garrantzitsuak izango dituzte datozen hiru egunotan. Gaurtik, asteartetik, ostegunera bitartean egingo dituzte entseguak Izarraitz pilotalekuan. Haurrak, 16:00etan elkartuko dira eta helduak, berriz, 21:00etan.

Danborradez gain, sokamuturraren urteko lehen hitzordua izan ohi da sansebastian egunekoa. Eguerdiko 12:00etan eta 16:30ean, ohi bezala, izango da zezena herriko kaleetan. Zezenbeltz elkarteak beste hitzordu bat ere gehitu du. Honela, hilaren 26an, igandez, ere sokamuturra izango da Azpeitian, 16:30ean.