Herriko sortzaileen azoka izango da larunbat honetan Azoka Plazan

Olentzeroren etorrera, lagun ezkutua, Errege Eguna... GabonaK orokorrean, opariak egiteko urte sasoi aproposa dira. Hori kontuan hartuta Artiekin artisauen elkarteak, herriko sortzaileen azoka antolatu du larunbat honetarako, abenduak 14, Azoka Plazan. Askotariko produktuak aurkitu ahal izango dira bertan: haur eta helduen moda, elikadura, likoreak, liburuak, osagarriak, zeramika, serigrafia, dekorazioa, danborrak eta bitxigintza lanak, besteak beste.

Goizez eta arratsaldez izango da zabalik azoka: goizean, 10:00etatik 15:00etara bisitatu ahalko da, eta arratsaldean, 16:30etik 20:00etara.

Honako sortzaile hauek jarriko dituzte postuak Azoka Plazan: Analuna, Kiribil zeramika, Espiral tailerra, Olatz Aguado, Izaro Orbegozo, Keizpe, Amaia Etxeberria, A L B, Magnoli&, Arruti danborrak, Erraldoiak liburua, Ametsen Txokoa, Amuki, Miara, Endredamakina, Oihele eta Marabina.