Azpeitia

Ingeniari teknikoa eta digitalizaziorako administraria behar ditu udalak

Ingeniari teknikoa eta digitalizaziorako administraria behar ditu udalak . Titulazioez gainera, 3. hizkuntza eskakizuna izatea beharrezkoa da.

Jarduera-lizentziei eta obra-lizentziei buruzko txosten teknikoak eta ikuskapenak egiteko eta udal-azpiegiturak eta -instalazioak kudeatzeko erantzukizuna izango du ingeniariak. Honako zereginak izango ditu: jardueretarako lizentzien eskaerei buruzko informazio teknikoa ematea; ikuskapen bisitak egitea lizentziak eman aurretik; lizentzien eskaerei buruzko txosten teknikoak egitea; argiztapen publikoa diseinatzea, gainbegiratzea eta mantentzea... Lanbidek hautatutako izangaien artean egingo da aukeraketa. Gehienez hiru urteko iraupena izango du kontratuak.

Digitalizaziorako teknikaria ere kontratatuko du , sei hilabeterako, Lanbideren bidez. Besteak beste, Kontuan hartuko da webguneen diseinuan, komunikazioan edo hornitzaileen kudeaketan prestakuntza edo esperientzia izatea. Lanpostuan izena emateko epea azaroaren 13an amaituko da.