Azpeitia

Itziar Urbieta eta Iraia Bereziartua azpeitiarren kontzertua, gaur Loiolan

XV. Organo Erromantikoaren Nazioarteko zikloaren barruan, gaur, bi herritarrek eskainiko dute kontzertua Loiolako basilikan. Itziar Urbieta organo jotzaileak Iraia Bereziartua izango du alboan, biolinaren doinuekin, basilikako Cavalle-Coll organoan. 19:30ean hasiko da emanaldia eta doan da.

Egitarauari dagokionez, César Franken 'Offertoire in sol mineur'; Nadia Boulangerren 'Prélude' edo Maurice Duruféren 'Méditation' lanak joko ditu Urbietak bakarlari gisa, organoan; eta gainerako piezak organoa eta biolinarekin izango dira, hala nola, César Frank, Lili Boulanger, Johanna Sentfer, Dora Pejacevic, Arvo Part eta Barbara Hellerren 'Esnatzeko sehaska kanta' eskainiko dute, emakume persiar denei eskainita.