Azpeitia

Jendetza bildu du, beste behin, sokamuturrak

San Sebastian jaien ostean, sokamuturraz gozatzeko aukera izan zuten zaletuek eta beste behin, Zezen Beltz elkarteak bultzatuko ekimenak, arrakasta itzela izan du. Ehunka lagun atera ziren kalera igande arratsaldean Bergarako Zezenak kaleetan zehar ikustera eta tartean, nola ez, izan zen ikusi baino gehiago egin zuenik ere, eta adarretatik gertu egon zenik. Aurreko astean bezala, sustoren bat edo beste izan baitzen. izan ere, zezena Errabalean zegoen bitartean, hesi bat hautsi zuen. Hala ere, ez zen hortik aurrera igaro eta anekdota hutsean geratu zen. Arratsalde osoan zehar izan zen zezena herriko kaleetan eta zortzietan amaitu zen festa. Sokamutur zaleek hurrengo data gordea dute jada. Karnabaletan aterako da zezena berriro Azpeitian.