Azpeitia

Jokin Artetxe eta Iker Egiguren Dinastia Etxabeko finalak jokatzeko sailkatu dira

Jokin Artetxe eta Iker Egiguren Ilunpeko pilotariak Zumaiako Dinastia Etxabe txapelketako finalak jokatzeko sailkatu dira.

Jokin Artetxe Oier Ibaluzearekin (Lapke) bikotea osatzen ari da gazte-jubenil mailan, eta ostegunean jokatutako finalerdian 22-16 irabazi zuten Joanes Cestau (Behar Zana) eta Hodei Castro (Tolosa) bikotearen aurka.

Iker Egiguren, berriz, 23 urtez azpiko mailan ari da jokatzen Julen Sotilekin (Larraun), eta 22-19 irabazi zuten Mikel Aranbarriren (Azkoitia) eta Aingeru Bernaolaren aurka, finalerdi oso lehiatu batean.

Ilunpeko pilotariek Dinastia Etxabeko 52. edizioko finalak jokatuko dituzte, abuztuaren 29an, 21:00etatik aurrera, Zumaiako Aitzurin: gazte-jubenil mailan, Olaizola-Leonet eta Ibarluzea-Artetxe; eta 23 urtez azpikoen mailan, Egiguren-Sotil eta Lizeaga-Azpiroz.