Azpeitia

KZgunearen eskaintza aurkeztuko dute Baigeran datorren asteazkenean

Azpeitiko KZguneko koordinatzaileak bertako ikastaroen berri emango die Baigerako bazkideei. Urriaren 23an, datorren asteazkenean, izango da hitzordua, 16:30ean, Baigerako areto nagusian. Gaur egun «ezinbestekoa da teknologi berrietan (internet,mobila....) prestakuntza minimo bat izatea eguneroko beharrei erantzun ahal izateko».

Hala uste dute Baigerako kideek, beraz, prestakuntza jaso ahal izateko hitzorduak antolatu dituzte. Arduradunek aurreratu dutenez, «alde txikietan» izango dira ikastaroak. Baigerako kideei deia luzatzen diete gerturatzeko.