Azpeitia

Lehen Mailako Euskal Pentatloiaren finalaren kanporaketaren sarrerak, ostiraletik Mendizabalen

Irailaren 7an, Lehen Mailako Euskal Pentatloi Sariaren finalaren kanporaketa jokatuko da Azpeitiko zezen plazan. Hitzordua 18:00etan hasiko da eta hauek izango dira kanporaketan parte hartuko duten kirolariak: Andoni Iruretagoiena, Xabier Zaldua, Xabat Olaizola, Ioritz Gisasola, Aritz Irazabal, Julen Kañamares, Beñat Amade, Ander Altuna, Beñat Telleria, Daniel España, Jon Bengoetxea eta Iker Goldarazena. Hitzorduko sei kirolari onenek finala jokatzeko txartela lortuko dute. Finala irailaren 21ean jokatuko da Azpeitiko plazan ere.

Kanporaketa ikusteko sarrerak ostiral honetan jarriko dira salgai, 20 euroren truke, Mendizabal erretegian. Probaren egunean bertan ere sarrerak erosteko aukera egongo da plazako leihatilan, hitzordua baino ordu eta erdi lehenago.