Maila gorenari eutsi dio Izarraitz igeri elkarteko emakumeen taldeak Euskal Herriko Kopa txapelketan

Txapelketa garrantzitsua jokatu dute asteburuan Izarraitz igeri elkarteko kideak. Tolosako Usabal kiroldegian izan dira, bertan izan baita Euskal Herriko Kopa txapelketa. Lurraldeko zortzi talde onenak hartu dute parte eta sei taldek lortu dute maila gorenean lortzea, eta bi mailaz jaitsi dira. Izarraitzeko nesken taldeak seigarren postua egin du mailari eustea lortuz.«Ikaragarria izan da igerilari guztiek txapelketan erakutsi duten jarrera eta grina, taldearen alde bakoitzak bere onena emanaz lehiatu dira proba guztietan», esan dute klubetik. Horien artean, aipagarriena Malen Ezamaren parte hartzea. 200 metroko lau estiloetarako proban, 2'33″17 denborarekin, infantilen Espainiako txapelketetan parte hartzeko gutxienekoa lortu du.