Azpeitia

Maite Maiorarekin entrenamendu saioa egiteko aukera izango dute emakumeek larunbatean

Larunbat honetan hasiko dira Domusa Teknik 40 MLK probarako emakumeei zuzendutako entrenamendu saioak. Maite Maiora korrikalari mendaroarrak gidatuko du lehen prestaketa.

Antolatzaileek ez dute ibilbidearen berri eman baina bai distantziarena. 14,6 km egingo dituzte, 610 metroko desnibelarekin. Igerilekuan izango dute hitzordua, 8:30ean.

Antolatzaileek gogoratu dute kontsigna zerbitzua izango dela eta behin saioa amaituta, igerilekuko instalazioetan dutxatzeko aukera ere izango dutela partehartzaileek. Ondoren, hamaiketakoa ere izango dute.

Parte hartu nahiz gero, aurrez izena eman behar da. Horretarako azken eguna gaur, urriaren 10a, da eta lagunonakmb.org weborriaren bitartez egin daiteke inskripzioa.