Azpeitia

Osasun mentalaren mundu mailako eguna ospatuko da gaur, hainbat ekitaldirekin

Gaur, urriak 10, Osasun Mentalaren aldeko Nazioarteko Eguna da. Hori dela eta, Osamen Azpeitiko Errehabilitazio psikosozialeko adinekoentzako eguneko zentroak asteak daramatza lanean egun honetako ospakizunak prestatzen, estreinakoz egingo baita herrian –Donostian egin izan dituzte orain arte–.'Hemen gaude, ez gaude bakarrik' lelopean. honako egitaraua prestatu dute

12:00etan elkartuko dira , Osamen zentroaren sarreran, Enparan kaleko, 6an. Programazioa hasi baino lehen, argazkia aterako dute eta ondoren, kalejira egingo dute osasun mentalaren garrantziaz ohartarazteko. Plazan emango diete amaiera aldarrikapenei eta bertan ekitaldi bat izango da, udal ordezkarien partaidetzarekin. Amaitzeko, Osameneko kideek bazkaria izango dute. Antolatzaileek kolore berdedun kamisetekin agertzeko deia luzatu dute osasun mentalaren garrantziaren aurrean bat egiteko.