Parke berria egingo du udalak Iberotarren Plazan

Azpeitiko Udalak Iberotarren plazako parkea berrituko du hau «zaharkituta» dagoelako. Gaur -astelehena- hasi dituzte lanak eta erakundeak aditzera eman duenez, 17.800 euroko aurrekontua dute. aurreikuspenen arabera, aste honetan edo hurrengoan (eguraldiaren arabera) amaituta egongo da parke berria.

Bestalde, Euskal Herrian kalean, joan den hastean hasi zituzten eskailerak eraberritzeko lanak. Lan horiek Art Eraikuntzak burutuko ditu, eta hiru hilabete barrurako amaituta egotea aurreikusten da. 52.900 euroko aurrekontua dute.