Azpeitia

Pasaiako segadan hildakoen omenezko plaka erasotzea gaitzetsi du Udalak

Pasaiako segadan hildakoen oroimenezko plaka erasotu izana salatu du berriki Kontseilu Sozialistak eta hildakoen senideek halako erasoak instituzioetatik ere salatu eta gaitzestea eskatu dute. Izan ere, Espainiako poliziak 1984ko martxoaren 22an Pasaian hildakoen memoriarekiko eraso horiek, senideen esanetan, «ez dira onargarriak».

Gertakarien harira, Azpeitiko eta Pasaiako udal gobernuek adierazpen bateratu bat plazaratu dute, Azpeitiko Enparan dorretxe atzean dagoen oroitarriaren kontrako azken erasoa gaitzesteko eta senideei elkartasuna adierazteko. «Bizikidetzak biktima guztien aitortza eta erreparazioa eskatzen du, eta horren alde lanean jarraituko dugu», diote. Horri lotuta, garbi utzi nahi dute «halako ekintzek ez dutela lekurik gure herrietan».