Azpeitia

Santa Luzia Eguna izan dute Elosiagan

Santa Luzia Eguna hutsik egin gabe ospatu zuten atzo Elosiaga auzoan. Auzotarrak bertako baselizan elkartu ziren aurrena. Mezan hartu zuten parte baita ere Azpeitiko Parrokiako abesbatzako kideek. Ondoren, trikitilariekin batera, kalejiran, Añota Sagardotegian izan zuten hamaiketakoa. Herri kirolez gozatzeko aukera izan zuten. Mikel Larrañaga eta Julen Alberdi aizkolariak eta Udane Ostolaza eta Jon Unanue harrijasotzaileak aritu ziren. Eguna jana eta edanarekin borobildu zuten.

Bazkarian, Sustrai Kolina eta Joanes Illaregi aritu ziren bertsotan eta Lidia eta Hitzederrek girotu zuten bazkalostea. Egunari amaiera emateko, Kantu zaharrekin girotu zuten afaria, Anjel Mariezkurrena, Beñat Mitxelena eta Aitor Ibarra 'Jalixko'-rekin.