Sañu Bizirik, Errezil bizirik eta Oletan ere ez! taldeek dinamika berria abiatu dute

Sañu Bizirik, Errezil Bizirik eta Oletan ere ez! taldeek Piaspe eta gainerako proiektuen kontra mobilizatzeko ahaleginetan jarraitzen dute. Hori dela eta, datozen eguneratarako dinamika berri bat ipini dute abian. Honela, 'Bizirik nahi ditugu' leloarekin, herritarren argazkiekin «mosaiko erraldoia» osatu nahi dute urte bukaerarako. «txiki askoren artean lorpen handiak lortzen direla» sinestuta.

Horma irudi bat osatzea da asmoa. Hala, ahalik eta herritar gehienen «karneterako neurrirako argazkiak» jaso nahi dituzte.

Nahi dutenek mendiakbizirik@gmail.com helbide elektronikora bidal ditzakete beren argazkiak, baina aurrez aurre argazkiak egiteko zein emateko aukera ere izango da. Horretarako, zapatu honetan, hilak 9, 11:30etik 14:30era Azpeitiko plazan egongo dira Sañu Bizirikekoak, nahi duenak argazkiak atera edota utzi ditzan. Inguruan eratu nahi dituzten makroproiektuen gaineko informazioa ere emango dute.