Azpeitia

Tena: urrea Euskadiko Txapelketan

Xeye atletismo taldeko Naiara Tenak emaitza bikainak lortu ditu Anoetan jokatu berri den Pista Estaliko Euskadiko Atletismo txapelketan. 800 metroko proban urrezko domina etxeratu du azpeitiarrak 23 urtez azpikoen mailan eta absolutuan mailan, berriz, brontzezkoa. Beste azpeitiar bat ere nabarmendu da txapelketa berean. La Blanca taldean dagoen Julen Azpiazu, alegia. Euskadikoan zilarrezko domina irabazi du Azpiazuk, 23 urtez azpikoetan ez ezik, baita maila absolutuan ere. Aurrez, 23 urtez azpikoen Gipuzkoako 1.500 metroko txapelduna zen Azpiazu.