Azpeitia

Trikitizaleek hartuko dituzte kaleak gaur Trikigiro jaialdiarekin

Trikitizaleen urteroko hitzordu garrantzitsuenetakoa izango da gaur, ostirala, Azpeitian. Trikigiro eguna ospatuko da eta Kalejira, afaria eta erromeriaz gozatzeko aukera izango dute herritarrek.

Arratsaldeko 18:30ean elkartuko dira trikitilariak Sanagustin ondoko parke estalian. 19:00etan hasiko da gazteen kalejira eta triki poteoa. 20:00etan, kalejira erraldoia antolatu dute. Ondoren, 21:00etan, afaria izango dute Sanagustinen eta amaitzeko nola ez, erromeria izango da.