Azpeitia

Udala eta Musika Eskolak hitzarmena sinatu dute

Azpeitiko Udalak 131.096,50 euroko dirulaguntza emango dio Juan Antxieta musika eskolari 2025eko gastuak finantzatzeko. Hitzarmenaren bidez, eskolak herriko hezkuntza eskaintza osatuko du musika eta dantza arloetan, udal ekitaldietan parte hartuko du, Udal Musika Bandarekin elkarlanean arituko da, eta 'Izar Berriak' proiektua garatuko du adinekoentzat, herrian egindako musika ekitaldietan parte hartuz. Dirulaguntza funtzionamendu orokorrerako eta udal ekitaldietan parte hartzeagatik sortutako gastuak estaltzeko erabiliko da, besteak beste.