Estatuko bigarren maratoilari onena izan da Xabat Manzisidor Malagan

Bi euskaldun igo dira asteburuan jokatu den Malagako maratoiko Estatuko atleta onenen podiumera. Xabat Manzisidor azpeitiarra da bat. Azken maratoi hau egin duen hamabigarrena da eta bigarren Estatuko onena izan da azpeitiarra. Goierri Garaia klubean lehiatzen daXabat eta Estatuko onenaren saria bere taldekide David Martinentzat izan da.

2:24:40ko denboran amaitu du Xabatek Andaluziako maratoia eta taldekideak, berriz, 2:22:21ean.

«Gustura» dago protagonista maratoiaren ostean baina 2:20ko langa jaistea zuen helburu eta «arantza txiki» batekin bueltatu dela dio. Hala ere, «oso zirkuitu zaila» zela aitortu du eta denborarekin egindako lan bikainaz konturatzeko tartea izango du. Aurrez, 2:20:18ko denbora egina du azpeitiarrak, Sevillan.

Orain, atsedena hartzeko asmoa duela aurreratu du Manzisidorrek. Hurrengo erronka Elgoibarko krosean izango du.