Getaria

2025eko Getariako Inauterietako Erakusleiho lehiaketa prest dago

Getarian inauteri giroa bultzatu nahian, azken urteetan herriko dendei gonbita luzatu zaie beraiek ere festa giroan murgil daitezen. Dekorazio onena duen saltokia saritzeko Getariako Udaleko Kultura sailak '2025ko Getariako Inauterietako Erakusleiho Lehiaketa' antolatu du.

Erakusleihoen balorazioa egiterakoan, irizpide hauek kontuan izango ditu: Konposizioa, sormena, originaltasuna...

Sariak horrela banatuko dira: Lehenengo saria 120 eurokoa izango da, bigarren saria berriz, 80 eurokoa eta azkenik hirugarren saria eramaten duen saltokiak 50 euro jasoko ditu

Larunbatean, martxoaren 1ean, 10:30etik aurrera, herriko hainbat elkartetako ordezkariz osatutako epaimahaia establezimenduak bisitatuko ditu eta beraiek emango dute epaia erakusleihoak ikusi ondoren.

Gure Txeru Kultur Elkarteak eta Odol Emaileen Elkartealk ostiral honetan odol ematea antolatu dute herriko osasun zentroan (16:30-20:30). Goizean hitzordua eskatu behar da: 943 00 78 84.