Getaria

Erregeen postaria gaur etorriko da Getariara

Gabonetako azken egunetan sar-tzen ari gara eta betikotasunera itzuli aurretik bisitari oso bereziak izango ditugu herrian. Gaur, Tonpe Guraso Elkarteak antolatuta, Bizarzuri iritsiko da Getariara, arratsaldeko 18:30ean. Kale Nagusitik eta Elkano kaletik buelta bat eman ondoren, plazan egingo du geldialdia, haurrek Errege Magoei idatzitako eskutitzak jaso-tzeko. Lehen Hezkuntzako 5. mailako haurrek ongi etorria egingo diote postariari abestiak kantatuz. Ostegunean egun ederra igaro zuten herriko umeek, zeren goiz eta arratsaldez Gabonetako parkea zabalik izan zuten, frontoian, udaletxe aurrean eta Berdura plazan, jolaserako gune ezberdinekin. Eguraldia lagun izan zuten eta oporraldiko une onenetariko batekin eguna osatu zuten. Eta bihar Errege Magoak...