Getaria

Euskal Herriko XVI. Mus Txapelketak Getarian kanporaketa du igandean

Dagoeneko abian da Euskal Herriko XVI. Mus Txapelketa eta Getarian kanporaketa izango du asteburu honetan. Apirilaren 5ean Araban, Zigoitiko Gopegi herrian amaiera izango du lehiak eta nork daki getariar bikoteren bat bertan izango den. Horretarako lehen urratsa igandeko Getariako kanporaketan parte hartzea izango da. Arratsaldeko 16:00etan jubilatuen elkartean egingo da eta bikoteko 20 euro ordaindu neharko dira.

Euskal Herrian ohikoenetakoa den mahai jokoa izanik eta mus txapelketa ezberdinak antolatzen direla ikusirik, Euskal Herri osoko muslariak bildu eta antolatzeko helburuari ekin zitzaion bere garaian eta dagoeneko 16. edizioa martxan da.