Harrera beroa egin zion herriak Irati Idiakez txapeldunari

Igande eguerdian herriko plazan bildu ziren getariarrak herriko alaba den Irati Idiakez parasnowboardeko Munduko Txapeldunari ongietorri beroa egiteko asmoz. Snowboard taula bana eskutan zeramatela zubia egin zioten kuadrillako lagunek eta Agintariarena dantzatu ondoren lore sortak jaso zituen lagunen eskutik eta Udalarenetik. Mahai batean berak lortutako sariak zeuden eta Iratik herriari Munduko Txapelketan ibilitako dortsala sinatuta oparitu zion.