Getaria

Magia ikuskizuna Cristobal Balenciaga Museoan, gaur

Gaur, ostirala, magia ikuskizuna antolatu da Cristobal Balenciaga Museoan. Getariako Udalaren laguntzaz sortutako ekitaldia izango da. Arratsaldeko 17:00etan hasita, Euskal Herriko txoko guztietako lau mago etorriko dira Getariara: Eriz Magoa, Marsel Magoa, Asier Kidam eta Txoborro.

Antolatzaileek aurreratu dutenez, «euren trikimailu onenak egingo dituzte, familia osoa txunditzeko». 0 eta 14 urte bitarteko umeak dituzten familiei zuzendua dago gaurko ikuskizuna.

Sarrerak eskuragarri daude helbide honetan: tickets.cristobalbalenciagamuseoa.com, eta gaurkoan museoan bertan ere izango dira salgai, 4 euro pertsonako.