Getaria

Maiatza bitarteko egitarauaren berri eman du Artzape Euskaltzaleon Plazak

Hala bada, dagoeneko, prest dute urtarrila eta maiatza bitarteko programazioa. Egitarauaren muina da ekintza kulturalak eta herrikideen arteko sozializazioa integratzea. Hain justu, bi hilean behin, ekintza kultural bat izango da eta horiekin txandakatuz, Tabernako tertuliak dinamika. Azken horren bitartez, «presentzia handiko eta oso hurbileko» gaiak jarri nahi dituzte mahai gainean, «egungo gizartean sozializazio esparru nagusi diren tabernetan, euskaratik eta euskaraz». Tertulien abiaburua, gaian aditua edo aritua den pertsona baten testuinguraketa izango da, horrek emango dio, gero, eztabaidari bide.

Zehazki, ondokoa da maiatza bitarteko egitaraua: Urtarrilaren 22an, Giroa Tabernan egin zen 'Euskaldun ala euskaltzale?' izenburua zeraman saioa, Imanol Epelderekin. Otsailak 23, 18:30ean, Zarautz Jauregian, Kepa Errastiren bakarrizketa. Artista: Kepa Errasti. Martxoak 26, 18:30ean (lekua zehazteke): 'Kuadrilla: babes ala zama?'. Hizlaria: Irati Zubia. Apirilak 6, 18:30, Iturzaeta Aretoa: 'Hitz esana'. Artista: Mejillon Tigre Kolektiboa (Eider Adeletxe eta Ane Zubeldia). Maiatzak 14, 18:30, Itxaspe Taberna: 'Bakardadea elkarrekin pentsatzen'. Hizlaria: Marta Garcia.

Ekitaldi kulturaletarako sarrerak laster jarriko dira salgai eta bonoaren aukera ere izango dela aurreratu dute.