Getaria

Sarrerak agortu egingo dira ostiraleko Sahatsagako pilota jaialdirako

San Anton jaien inguruan azken urteetan antolatzen den Binakako Esku Pilota Txapelketako jaialdiak arrakasta izango du beste behin. Sahatsaga pilotalekuko harmailak bete egingo dira, zeren atzo eserleku gutxi batzu besterik ez ziren geratzen eta dagoeneko bukatuko ziren.

Gaur bertan Getarian izango dira ostiraleko protagonistak, Ezkurdia eta Rezusta alde batetik eta P. Etxeberria eta Martija bestetik. Pilota aukeraketa egitera etorriko dira eta helburu oso ezberdinekin. Lehenengoak sailkapenaren buruan jarraitu nahi dute eta bigarrenak berriz, txapelketako lehen garaipena lortu.