Orio

Dronesoccer jokoaz gozatzeko aukera izango da gaur kiroldegian

Orioko Udalak antolatutako Gabonetako egitaraua azken txanpan da, eta gaur, ostirala, urtarrilak 3, dronesoccer jokoaz gozatzeko aukera izango da Karela kiroldegian, goizez eta arratsaldez: 10:00etatik 13:00etara eta arratsaldeko 16:00etatik 20:00etara.

Dronesoccer-a adin guztietako herritarrei zuzendutako jokoa da (8 urtetik gorakoentzat) eta, Hego Korean duen arrakasta ikusita, Euskal Herrira ekartzeko apustua egin du Niko Iriondo oriotar ekintzaile gazteak.

Iriondoren hitzetan, dronessocer-a kirol berritzailea da mundu mailan, eta aurrera begira proiekzio handia izan dezakeela uste du.

Animatuak joan dira azken egun hauek eta oraindik, gabonetako egitaraua amaitzeko, Bizar Zurik erregentzako gutunak jasoko ditu igande goizean eta arratsaldean kabalgata.

Aian ere, gaur mahai jolasen arratsaldea, 17:00etan Goiz Argin eta jarraian txokolatada eta sukaldaritza tailerra Gaztelekuko gazteentzat eta bihar, larunbata arratsaldeko 18:00etatik aurrera frontoian, pala txapelketa mistoko finalak jokatuko dira.