Orio

Eusko Gudari 38ko eraikina eraitsi eta inguruan etxe berriak egingo dira

Eusko Gudari kaleko 36-40 atarietan etxebizitza berriak eraikiko dira datozen hiletan. Lanekin hasi aurretik, 38 zenbakidun eraikina eraistea erabaki du enpresa sustatzaileak, oso egoera kaskarrean dagoelako. Honenbestez, etxea eraisteko lanak urtarrilaren 20an hasiko dira, eta dena ondo bidean, bizpahiru egunetan botako da etxea.

Lanak egiten diren bitartean baliteke, une jakinetan, ibilgailuen trafikoari eta oinezkoen zirkulazioari eragitea. Izan daitezkeen zailtasunak bideratzeko, eraisketaren egunetan, udaltzainak egongo dira.

Gainerako etxebizitzen eta pilotalekuaren eraisketa-lanak eta berriak egiteko lanak aurrerago egingo dira, eta Udalak horren berri emango du informazioa eduki bezain laster.