Orio

Gabonetako kontzertua Danbolin eskola eta Salatxo abesbatzarekin gaur

Danbolin Musika eta Dantza Eskolako ikasleek eta Salatxo abesbatzak Gabonetako kontzertua eskainiko dute gaur, osteguna, 19:30etik aurrera, elizan. Gabonetako kontzertuan ikasle gaztetxoen taldeak, kantuko ikasle helduak eta Salatxo abesbatza izango ditugu entzungai, eta instrumentuko zenbait ikaslek lagunduko dituzte. Denek batera, Hator hator kantatuz emango diote amaiera kontzertuari. Ikasleak gogotsu ari dira emanaldia prestatzen, eta herritar guztiei egin diete bertaratzeko gonbita.

Era berean eta Gabonetako egitarau oparoaren barne, bihar, ostirala, Harribil dantza taldearen 'Herribil' emanaldia izango da ikusgai Karela kiroldegian, gaueko 22:00etatik aurrera, doako sarrerarekin.