Orio

Liber Gesalaga, Unai Zubizarreta eta Iñigo Fernandez, Orioko surf txapelketako irabazleak

Orioko Surf Txapelketaren irabazleak eta lehen sailkatuak dagoeneko ezagutzen dira. Abenduaren 28an jokatu zen txapelketa Antilla hondartzan, olatu ederrekin, metro eta erdikoak.

Une hunkigarriak ere izan zituen txapelketak, izan ere pasa den abuztuaren 8an, 28 urte besterik ez zituela zendu zen Nestor Kaperotxipi gogoan izan zuen Orioko surf taldeak, eta haren aitari Jose Antonio Jakak propio egindako artelana eman zioten oroigarri gisa.

Open kategorian Liber Gesalaga izan da txapeldun, Lander Zumeta bigarren, Mikel Agote hirugarren sailkatua eta Alex Etxeberria laugarrena. Bodyboard modalitatean, Unai Zubizarreta da txapeldun berria, Ibai Aranguren bigarrena, Mikel Elustondo sailkatu zen hirugarren eta Einer Aranguren laugarren.

Azkenik, Master kategorian, Iñigo Fernandez txapeldun, Jose Luis Agote bigarren, Iker Ostolaza, hirugarren eta Leire Valverde, laugarren.